దుబాయ్‌: దుబాయ్‌ రోడ్స్‌ అండ్‌ ట్రాన్స్‌పోర్ట్‌ అథారిటీ (ఆర్‌టిఎ), డ్రైవింగ్‌ లైసెన్సులకు సంబంధించి నాలుగు సర్వీసులను ఇకపై పూర్తిగా ఆన్‌లైన్‌లోనే అందిస్తారు. డ్రైవింగ్‌ లైసెన్స్‌ రెన్యువల్‌, పాడైపోయిన లేదా పోయిన డ్రైవింగ్‌ లైసెన్సుల్ని తిరిగి మంజూరు చేయడం, డ్రైవర్‌ ఎక్స్‌పీరియన్స్‌ సర్టిఫికెట్‌ తదితర సౌకర్యాలు ఆన్‌లైన్‌లోనే అందుబాటులోకి రానున్నాయి. వీటిల్లో కొన్ని సర్వీసులు అక్టోబర్‌ 16 నుంచి, ఇంకొన్ని అక్టోబర్‌ 30 నుంచి, మరికొన్ని నవంబర్‌ 13, నవంబర్‌ 27 నుంచి ఆన్‌లైన్‌లో అందుబాటులోకి వస్తాయి. డ్రైవింగ్‌ లైసెన్స్‌ రెన్యువల్‌ 16వ తేదీ నుంచి ఆన్‌లైన్‌కే పరిమితం కానుంది. ఇ-ఛానల్స్‌, స్మార్ట్‌ యాప్స్‌, ఫ్రంట్‌-ఎండ్‌ ఎంప్లాయీస్‌ ద్వారా మాత్రమే ఈ సర్వీసులు అందుబాటులో ఉంటాయని అధికారులు తెలిపారు. స్మార్ట్‌ దుబాయ్‌ ప్రాజెక్టు అలాగే అందరికీ ఆనందకరమైన సేవలు అందించే క్రమంలో స్మార్ట్‌ మూవ్‌ తీసుకున్నట్లు వారు వివరించారు.