కార్తీక్‌, సనాఖాన్‌ నాయకానాయికలుగా విశాఖ థ్రిల్లర్స్‌ వెంకట్‌ దర్శకత్వం వహిస్తున్న చిత్రం 'మామ.. ఓ.. చందమామ'. వర ప్రసాద్‌ బొడ్డు నిర్మాత. సోమవారం జరిగిన విలేకరుల సమావేశంలో నిర్మాత మాట్లాడుతూ.. 'ఆధునిక జీవితంలో సొంత మనుషులను మర్చిపోతున్నా. ఆ అనుబంధాలకు దూరంగా బతుకుతున్నాం. వాటిని గుర్తుకు తెచ్చే కథ ఇది' అని తెలిపారు. నవంబర్‌ 7 నుంచి విశాఖ, ఉభయగోదావరి జిల్లాలు, హైదరాబాద్‌లో చిత్రీకరణ జరుపుతామన్నారు. ఫిబ్రవరిలో సినిమా ప్రేక్షకుల ముందుకు తీసుకురానున్నట్లు తెలిపారు.