మినిస్ట్రీ ఆఫ్‌ ఎకానమీ అండ్‌ కామర్స్‌ (ఎంఇసి), న్యూ సలాతాలోని ఓ బ్యూటీ సెంటర్‌ని నెల రోజులపాటు మూసివేస్తున్నట్లు ప్రకటించింది. ఈ బ్యూటీ సెంటర్‌లో గడువుతీరిన ఉత్పత్తుల్ని వాడుతున్నట్లు అధికారులు గుర్తించారు. వినియోగదారుల భద్రత చట్టం, దానికి సంబంధించిన నిబంధనల్ని ఎవరు ఉల్లంఘించినా ఉపేక్షించేది లేదని ఈ సందర్భంగా మినిస్ట్రీ ఆఫ్‌ ఎకానమీ అండ్‌ కామర్స్‌ ఓ ప్రకటనలో పేర్కొంది. ఉల్లంఘనల్ని గుర్తించడానికి ఎప్పటికప్పుడు తనిఖీలు నిర్వహిస్తామని ఆ ప్రకటనలో స్పష్టం చేశారు. ఉల్లంఘనలపై వినియోగదారులు మినిస్ట్రీకి ఫిర్యాదు చేయవచ్చని అధికారులు తెలిపారు. హాట్‌లైన్‌, ఇ-మెయిల్‌, ట్విట్టర్‌, ఇన్‌స్టాగ్రామ్‌, ఎంఇసి మొబైల్‌ యాప్‌ద్వారా ఫిర్యాదు చేయవచ్చు.