తాలిబన్ల నుంచి బయటపడ్డాక కాబూల్‌లో మహిళలకు మొట్టమొదటి ఫిట్‌నెస్‌ సెంటర్‌ను ఏర్పాటు చేశారు. మహిళల్లో ఆరోగ్యంపై శ్రద్ధ పెంచేందుకు దీనిని అందుబాటులోకి తీసుకొచ్చారు. ఇందుకోసం దాదాపు రూ.13లక్షలు వెచ్చించి 'బ్లూ మూన్‌ క్లబ్‌' పేరుతో ఈ ఫిట్‌నెస్‌ సెంటర్‌ను ఏర్పాటు చేశారు.అఫ్గానిస్థాన్‌లో మహిళలు సంప్రదాయాలను ఎక్కువగా పాటిస్తారు. ముఖ్యంగా గ్రామీణ ప్రాంతాల్లోని వారు పనుల్లోకి, పాఠశాలలకు వెళ్లటం కూడా నిషిద్ధమే. అటువంటి చోట మహిళలకు ఫిట్‌నెస్‌ క్లబ్‌ ఏర్పాటు చేయటమంటే ధైర్యంతో కూడిన చర్యగా చెప్పుకోవాలి. నురిస్తానీ అనే యువతి ఈ క్లబ్‌ను ఏర్పాటు చేసింది.మహిళల్లో ఆరోగ్యంపై శ్రద్ధ పెంచేందుకే దీనిని ఏర్పాటు చేసినట్లు ఆమె చెప్పింది.