వీక్‌ డేస్‌లో మధ్యాహ్నం 1 గంట నుంచి సాయంత్రం 5 గంటల వరకు ఉచితంగా పార్కింగ్‌ చేసుకునే అవకాశం ఉండేది ఇప్పటిదాకా. షార్జాలో ఇకపై ఈ విధానానికి తిలోదకాలిచ్చేస్తున్నారు. షార్జా మున్సిపల్‌ కౌన్సిల్‌ ఆదివారం జరిపిన సమావేశంలో ఈ మేరకు నిర్ణయం తీసుకున్నారు. అన్ని పబ్లిక్‌ పార్కింగ్‌ ప్లేసుల్లోనూ ఇకపై పెయిడ్‌ పార్కింగ్‌ అమలు చేయబడుతుంది. పార్కింగ్‌ ప్లేస్‌లను దుర్వినియోగం చేసే అవకాశం లేకుండా ఈ నిర్ణయం తీసుకున్నట్లు షార్జా మునిసిపాలిటీ అధికారులు వెల్లడించారు. అధికారిక గెజిట్‌లో కౌన్సిల్‌ తీర్మానం పబ్లిస్‌ అయినప్పటినుంచీ ఈ నిర్ణయం అమల్లోకి వస్తుంది. ఉదయం 10 గంటల నుంచి రాత్రి 10 గంటల వరకు అన్ని చోట్లా పెయిడ్‌ పార్కింగ్‌ వర్తిస్తుంది ఈ నిర్ణయంతో.