తెలుగుతేజం.. ఒలింపిక్స్‌ రజత పతక విజేత వీపీ సింధు మరో ఘనత సాధించింది. ప్రతిష్టాత్మక చైనా సూపర్‌ సిరీస్‌ ప్రీమియర్‌ బాడ్మింటన్‌ టోర్నీని సాధించి చరిత్ర సృష్టించింది. తుదిపోరులో తన కంటే ఒక ర్యాంకు(10) మెరుగైన చైనా క్రీడాకారిణి సన్‌ యూపై 21-11, 17-21, 21-11 తేడాతో సింధు సంచలన విజయం సాధించి టైటిల్‌ను ఎగరేసుకుపోయింది. తొలి రౌండ్‌ను సునాయాసంగా దక్కించుకున్న సింధుకు రెండో రౌండ్‌లో గట్టిపోటీ ఎదురైంది. దీంతో రెండో రౌండ్‌ను 17-21తేడాతో కోల్పోయింది. నిర్ణయాత్మకమైన మూడో రౌండ్‌లో సింధు అద్భుత పోరాట పటిమ ప్రదర్శించింది. ఎదురుదాడి చేస్తూ చైనా క్రీడాకారిణిని ఒత్తిడిలో పడేసింది. ఈ క్రమంలో 21-11 తేడాతో మూడో రౌండ్‌ గెలుసుకుని.. టైటిల్‌ చేజిక్కించుకుంది. సింధుకు కెరీర్లో ఇదే తొలి సూపర్‌ సిరీస్‌ కావడం విశేషం.