శ్రీనువైట్ల దర్శకత్వం వహిస్తున్న 'మిస్టర్‌' సినిమా సందర్భంగా ప్రమాదకరమైన స్టంట్స్‌ చేస్తూ తీవ్రంగా గాయపడ్డాడు వరుణ్‌తేజ్‌. కాలుకు ఫ్రాక్చర్‌ కావడంతో అప్పట్నుంచి ఇంటికే పరిమితమయ్యాడు. దీంతో వరుణ్‌ అంగీకరించిన 'మిస్టర్‌'తో ;పాటు శేఖర్‌ కమ్ముల 'ఫిదా' కూడా వాయిదా పడింది. దాదాపు 50 రోజులుగా ఇంటి నుంచి కదలని వరుణ్‌ ఇప్పుడు పూర్తిగా కోలుకున్నాడు. చాలా రోజుల తర్వాత ఈ రోజే షూటింగ్‌ మొదలుపెట్టానని, గాయం నుంచి పూర్తిగా కోలుకున్నానని వరుణ్‌తేజ్‌ ట్విట్టర్‌ ద్వారా తెలియజేశాడు. అంగీకరించిన ఈ రెండు సినిమాలనూ శరవేగంగా పూర్తి చేయాలని వరుణ్‌ భావిస్తున్నాడు.