దోహా: పలువురు నివాసితులు చిన్న టోర్నడో లాంటిదాన్ని అల్‌ ఖోర్‌ ప్రాంతంలో చూసినట్లుగా చెబుతూ ఆందోళన వ్యక్తం చేస్తున్నారు. అయితే ఇది నిజానికి గుస్త్‌నాడో (అల్‌ అఫూర్‌ ప్రాంతంలో దీన్ని అలాగే పిలుస్తారు). గుస్తనాడో, తక్కువ సమయం కనిపించే చిన్నపాటి గాలిదుమారం. టోర్నడో తరహాలోనే కన్పిస్తుందిగానీ, దీని తీవ్రత చాలా తక్కువగా ఉంటుందని నిపుణులు వెల్లడించారు. దుస్తనాడోకి సంబంధించి పలు వీడియోలు ఇంటర్నెట్‌లో కనిపిస్తున్నాయి. ఇలాంటివి చాలామందికి తెలియకపోవడంతో వీటిని చూసి జనం ఆశ్చర్యపోతున్నారు. ఖతార్‌ మెటియరాలజీ డిపార్ట్‌మెంట్‌ దీనికి సంబంధించిన కొన్ని వివరాల్ని అరబిక్‌లో సోషల్‌ మీడియాలో ఉంచడం జరిగింది.