ప్రధానమంత్రి నరేంద్రమోదీ శుక్రవారం నగరానికి రానున్నారు. సాయంత్రం ఆరు గంటలకు శంషాబాద్‌ అంతర్జాతీయ విమానాశ్రయానికి చేరుకుంటారు. ఆయనతో పాటు పలువురు కేంద్రమంత్రులు, అధికారులు ప్రత్యేక విమానంలో రానున్నారు. అక్కడి నుంచి రోడ్డుమార్గంలో సర్ధార్‌ వల్లభాయ్‌ పటేల్‌ జాతీయ పోలీసు అకాడమీకి చేరుకుంటారని అధికారులు తెలిపారు. విమానాశ్రయం, కిషన్‌గూడ, కామంచెర్వు, మధురా నగర్‌, ఆర్బీనగర్‌, కొత్వాల్‌గూడ చౌరస్తా, భారతచౌరస్తా, సాతం రాయి, గగన్‌పహాడ్‌, ఓల్డ్‌ కర్నూల్‌ చౌరస్తా గుండా ఎన్‌పీఏ వరకు హైదరాబాద్‌-బెంగళూరు జాతీయ రహదారిపై పోలీసులు భారీ బందోబస్తు ఏర్పాటుచేశారు.మధ్యాహ్నం రెండు గంటలకు కేంద్ర హోంశాఖ మంత్రి రాజ్‌నాథ్‌సింగ్‌ వస్తున్నారు. ఆయన రోడ్డుమార్గంలో శివరాంపల్లిలోని సర్ధార్‌ వల్లభాయ్‌పటేల్‌ జాతీయ పోలీసు అకాడమీ (ఎన్‌పీఏ)కి వెళతారని అధికార వర్గాల సమాచారం.