దుబాయ్‌ రూలర్‌, యూఏఈ వైఎస్‌ ప్రెసిడెంట్‌ మరియు ప్రైమ్‌ మినిస్టర్‌ షేక్‌ మొహమ్మద్‌ బిన్‌ రషీద్‌ అల్‌ మక్తౌమ్‌, 292 మంది ఖైదీల విడుదలకు ఆదేశించారు. యూఏఈ 45వ జాతీయ దినోత్సవం సందర్భంగా ఈ ఆదేశాలు జారీ అయ్యాయి. దుబాయ్‌ అటార్నీ జనరల్‌ ఎస్సామ్‌ ఐసా అల్‌ హుమైదాన్‌ మాట్లాడుతూ, పబ్లిక్‌ ప్రాసిక్యూషన్‌ దుబాయ్‌ పోలీస్‌తో ఈ విషయమై చర్చలు ప్రారంభించినట్లు తెలిపారు. షేక్‌ మొహమ్మద్‌ క్షమాభిక్షతో ఖైదీల కుటుంబాల్లో ఆనందం వెల్లివిరుస్తుందనీ, ఖైదీలుగా ఇప్పటిదాకా జీవితం గడిపినవారు, క్షమాభిక్ష తర్వాత సమాజంలోకి వచ్చి మంచి పౌరులుగా జీవించాలనీ, దేశాభివృద్ధిలో కలిసి పనిచేయాలని అల్‌ హుమైదాన్‌ కోరారు.