దోహా మరి ఖతార్‌లోని కొన్ని ప్రాంతాల్లో ఉష్ణోగ్రతలు బాగా తగ్గే అవకాశాలున్నాయి. తద్వారా చల్లని శీలగాలులు ఇబ్బంది పెట్టే అవకాశం ఉందని వాతావరణ శాఖ ప్రజల్ని హెచ్చరిస్తోంది. డిసెంబర్‌ 7 నుంచి 40 రోజులపాటు ఈ తరహా వాతావరణం ఉంటుంది. దీన్ని అల్‌ మర్బానియా అనే పేరుతో స్థానికంగా వ్యవహరిస్తారు. డిసెంబర్‌ 12 వరకు బలమైన గాలులు వీచే అవకాశం ఉందని వాతావరణ శాఖ పౌరుల్ని హెచ్చరించింది. శుక్ర, శనివారాల్లో పరిస్థితి ఇంకొంచెం ఇబ్బందికరంగా ఉంటుందని సూచించింది వాతావరణ శాఖ. 40 నాట్స్‌ వేగంతో గాలులు వీస్తాయనీ, అలాగే కెరటాల ఉధృతి సముద్రంలో పెరిగే అవకాశం ఉందని తెలిపింది. 22 నుంచి 26 డిగ్రీలకు మించకుండా ఉష్ణోగ్రతలు నమోదవుతాయి. అతి తక్కువ ఉష్ణోగ్రతలు 14 నుంచి 18 డిగ్రీల సెంటిగ్రేడ్‌ వరకు దోహాలో ఉంటాయి.