ఆలూ తో చేసే వంటలు ఇష్టపడని పిల్లలు ఉండరు కదండి..మరి అలాంటి నోరూరించే వంటకం చూద్దామా? అదే 'గార్లిక్ పొటాటో వెడ్జెస్'..!!

కావలసిన పదార్ధాలు:

• ఆలూ - 4
• ఆలివ్ ఆయిల్ - 4 టీ స్పూన్లు
• ఉప్పు - తగినంత
• నల్ల మిరియాల పొడి - 1/4 టీ స్పూను
• ఎండు మిర్చి పొడి - 1 టీ స్పూను
• కొత్తిమీర - 2 టీ స్పూన్లు (సన్నగా తరిగిన)
• వెల్లుల్లి పొడి - 1 టీ స్పూను (వెల్లుల్లి పొడి దొరకకపోతే సన్నగా తరిగిన వెల్లుల్లి వాడచ్చు)

తయారుచేయు విధానం:

• ముందుగా ఓవెన్ ను 150 డిగ్రీల వేడిలో పెట్టాలి.
• ఇప్పుడు ఒక బేకింగ్ ట్రే తీసుకొని అందులో నూనె పీల్చే పేపర్ పరచండి.
• ఆలూ గడ్డలను బాగా కడిగి, పెచ్చు తీసి పెట్టుకోవాలి. వీటికి ఒక టవల్ తో బాగా తుడిచి పెట్టుకోండి.
• ఇప్పుడు ఈ ఆలూ గడ్డలను వెడ్జెస్ ఆకారంలో కట్ చేసి పెట్టుకోండి.
• ఇప్పుడు మన దగ్గర ఉన్న అన్ని పదార్ధాలు ఆలూ గడ్డాల మీద వేసి బాగా కలపండి.
• ఈ ముక్కలను బేకింగ్ ట్రే లో వేసి ఒక 15 - 20 నిమిషాలు బేక్ చేయండి.
• ఇప్పుడు ఓవెన్ నుంచి ట్రే తీసి ముక్కలను మరో వైపు తిప్పి మరో 10 - 20 నిమిషాలు బేక్ చేయండి. ఇప్పుడు అవి బంగారు రంగులోకి మరియు కరకర మనేట్టు అవుతాయి.
• ఓవెన్ నుండి తీసేసి టమాటో కెచప్ తో తింటే ఎంతో రుచిగా ఉంటాయి.