మనామా: జిసిసి జాతీయులు ముగ్గురు అక్రమంగా దేశంలోకి ప్రవేశించినందుకుగాను మూడేళ్ళ జైలు శిక్షకు గురయ్యారు. అందులో ఒకరికి స్వదేశంలో ఏడాది జైలు శిక్ష ఉంది. అతనిలాగే ఉండే మరో వ్యక్తికి చెందిన డాక్యుమెంట్లతో మరో ఇద్దరు వ్యక్తులు అతన్ని దేశంలోకి తీసుకువచ్చారు. దీనికి సంబంధించి సమాచారం అందుకోగానే, పోలీసులు వారు బస చేసిన హోటల్‌ రూమ్‌లో తనిఖీలు నిర్వహించి, నిందితుల్ని అరెస్ట్‌ చేశారు. ఈ క్రమంలో మరో వ్యక్తి కూడా అక్కడే ఉన్నా, అతని తరఫున ఎలాంటి తప్పిదం జరగకపోవడంతో అతన్ని విడిచిపెట్టారు. ఈ కేసులో తొలి నిందితుడు ఫోర్జరీ కేసులోనూ బుక్కయ్యాడు. మరో ఇద్దరు, అతనికి సహాయ పడ్డ కేసులో శిక్షకు గురయ్యారు. జైలు శిక్ష పూర్తయ్యాక ఈ ముగ్గుర్నీ దేశం నుంచి పంపేస్తారు.