చిత్ర నిర్మాత శాండ్రా థామస్‌పై దాడి చేశారంటూ నటుడు విజయ్‌ బాబుపై కేసు నమోదైంది. సోమవారం ఎలమక్కరలోని తన కార్యాలయంలో విజయ్‌ తనపై దాడి చేశారంటూ శాండ్రా థామస్‌ మంగళవారం కేసు నమోదు చేయించారు. ప్రస్తుతం ఆమె ఆసుపత్రిలో చికిత్స పొందుతున్నారని పోలీసులు తెలిపారు. అయితే.. తనపై తప్పుడు కేసు నమోదు చేశారంటూ విజయ్‌ ఫేస్‌బుక్‌లో పోస్ట్‌ చేశారు. తాను నమ్మిన తన వ్యాపార భాగస్వామి, ఆమె భర్త తనపై తప్పుడు కేసు నమోదు చేయించారని అందులో రాశారు.

శాండ్రా, విజయ్‌ కలిసి ఫ్రైడే ఫిల్మ్‌ హౌస్‌ అనే నిర్మాణ సంస్థను నడుపుతున్నారు. ఈ పతాకంపై దాదాపు 10 చిత్రాలను నిర్మించారు.