సెర్బియన్‌ టెన్నిస్‌ స్టార్‌ జకోవిచ్‌ ఖతార్‌ ఓపెన్‌ ఫైనల్‌లో ప్రపంచ నెం.1 ఆండీ ముర్రేను ఓడించాడు. పురుషుల సింగిల్స్‌ ఫైనల్‌లో డిఫెండింగ్‌ ఛాంపియన్‌ జకోవిచ్‌ 6-3, 5-7, 6-4 తేడాతో ముర్రేను ఓడించి టైటిల్‌ను నిలబెట్టుకున్నాడు. మూడు గంటలపాటు హోరాహోరీగా సాగిన మ్యాచ్‌లో గెలుపుతో ముర్రే వరుస విజయాలకు జకోవిచ్‌ బ్రేక్‌ వేశాడు. మ్యాచ్‌లో మొదటి సెట్‌ను జకోవిచ్‌ దక్కించుకున్నప్పటికీ రెండో సెట్‌లో ముర్రే పుంజుకొని ఆడాడు. నిర్ణయాత్మక మూడో సెట్‌లో జకో తన ఆదిపత్యాన్ని ప్రదర్శించాడు. ముర్రేతో తలపడిన మ్యాచ్‌లో మొదటి సెట్‌ను దక్కించుకొని విజయం సాధించడం జకోవిచ్‌కు ఇది 20వ సారి.