మెగాస్టార్‌ రీఎంట్రీ సినిమా 'ఖైదీ నెంబర్‌ 150' విడుదల సందర్భంగా హడావిడి మామూలుగా లేదు.కేవలం తెలుగు రాష్ట్రాల్లోనే కాదు విదేశాల్లో కూడా ఈ సినిమా మంచి క్రేజ్‌ సంపాదించుకుంది. ప్రపంచవ్యాప్తంగా ఉన్న మెగాభిమానులందరూ ఈ సినిమా గురించి ఎంతగానో ఎదురుచూస్తున్నారు. తాజాగా 'ఖైదీ నెంబర్‌ 150' ఫీవర్‌ రియాద్‌కు కూడా పాకింది. అక్కడి తెలుగువారు ఈ సినిమా కోసం ఎంతగానో ఎదురుచూస్తున్నారు. 'ఖైదీనెంబర్‌ 150' విడుదల సందర్భంగా ఒమాన్లోని అల్ రియాద్ కన్స్ట్రక్షన్ & ట్రేడింగ్ యల్.యల్.సి కంపెనీ మేనేజర్ రాందాస్ చందాకా తమ ఉద్యోగులకు జనవరి 11న సెలవు దినంగా ప్రకటించారు.ఈ విషయాన్ని ఓ నెటిజన్‌ ట్వీట్‌ చేశాడు. గతంలో కబాలి సినిమాకు కూడా ఇలాగే పలు కంపెనీలు సెలవు ప్రకటించిన విషయం తెలిసిందే.