సంక్రాంతి విందుగా, సినీ ప్రేక్షకులకు కానుకగా చిరంజీవి 150వ సినిమా ఖైదీ నంబర్ 150, బాలకృష్ణ వందో చిత్రం గౌతమిపుత్ర శాతకర్ణి సినిమాలు బరిలో నిలస్తున్నాయి. తద్వారా ప్రేక్షకులకు పండుగ ఫీస్ట్‌ను అందించబోతున్నాయి. ఇక, పవర్‌స్టార్ కూడా తన అభిమానులకు పండగ గిఫ్ట్‌ను ఇవ్వబోతున్నాడు. కొత్త సంవత్సరం కానుకగా కాటమరాయుడు కొత్త పోస్టర్లు విడుదలైన సంగతి తెలిసిందే. పోస్టర్లపై కొంత నెగెటివ్ ఎఫెక్ట్ పడినా.. ఆ నెగెటివ్ ఎఫెక్ట్ పోగొట్టడానికి వస్తున్నాడు కాటమరాయుడు. సంక్రాంతి కానుకగా సినిమా టీజర్‌లో కనువిందు చేయబోతున్నాడు. సంక్రాంతి పండగ రోజే అంటే 14వ తేదీనే కాటమరాయుడు టీజర్‌ను విడుదల చేయబోతున్నట్టు కాటమరాయుడు యూనిట్ ప్రకటించింది.

శనివారం సాయంత్రం 7 గంటలకు టీజర్‌ను విడుదల చేస్తామని వెల్లడించింది. ప్రస్తుతం గోల్కొండలో కాటమరాయుడు షూటింగ్ జరుగుతోంది. నెలాఖరులోపు సినిమాను పూర్తి చేసి ఉగాది కానుకగా మార్చిలో సినిమాను విడుదల చేయాలన్న కృత నిశ్చయంతో ఉంది కాటమరాయుడు టీమ్.