రైల్వే ప్రయాణికులు సులభంగా, వేగంగా టికెట్లు బుక్‌ చేసుకునేందుకు వీలుగా భారతీయ రైల్వే శాఖ సరికొత్త హంగులతో మంగళవారం ప్రత్యేకంగా యాప్‌ను ఆవిష్కరించింది. ఈ యాప్‌ను ఐఆర్‌సీటీసీ వెబ్‌సైట్‌తో అనుసంధానం చేశారు. కొత్తగా ప్రవేశపెట్టిన యాప్‌ ద్వారా తత్కాల్‌ టికెట్‌, మహిళల కోటా, ప్రీమియం తత్కాల్‌ కోటా బుకింగ్‌, అప్పటికప్పుడు రిజర్వేషన్‌ చేసుకునేందుకు వీలుగా ఆధునాతన సాంకేతిక పరిజ్ఞానంతో రూపొందించి అందుబాటులోకి తీసుకొచ్చారు. రాబోయే ప్రయాణాల గురించి ముందస్తు సమాచారం ఈ యాప్‌ ఎప్పటికప్పుడు తెలియజేస్తుందని ఐఆర్‌సీటీసీ ఓ ప్రకటన ద్వారా వెల్లడించింది. తర్వాతి తరం ఈ-టిక్కెటింగ్‌ విధానానికి అనుగుణంగా ఈ యాప్‌ ఉంటుంది.