నిరుద్యోగి ఒకరు ఫేక్‌ బాంబ్‌తో 5,500 దిర్హామ్‌ల దోపిడీకి యత్నించాడు. నిందితుడ్ని 30 ఏళ్ళ బ్రిటిష్‌ వ్యక్తిగా గుర్తించారు. టిష్యూ బాక్స్‌లో ఫేక్‌ బాంబ్‌ని సృష్టించాడతడు. దాన్ని టేప్‌తో బాంబు తరహాలో తయారు చేశాడు. 5,500 దిర్హామ్‌ల దోపిడీకి యత్నించిన అతన్ని ఫిలిప్పీన్‌కి చెందిన మేనేజర్‌ వ్యూహాత్మకంగా అడ్డగించి, పోలీసులకు ఫిర్యాదు చేశారు. అయితే అక్కడి నుంచి చాకచక్యంగా నిందితుడు తప్పించుకున్నాడు పోలీసులు వచ్చేసరికి. ఆ తర్వాత పోలీసులు అతన్ని అదుపులోకి తీసుకున్నారు. అయితే ఆ ఘటనకు తాను బాధ్యుడిని కానని నిందితుడు, న్యాయస్థానంలో వాదించాడు. కేసులో వాదోపవాదాలు జరుగుతున్నాయి. ఫిలిప్పీన్‌కి చెందిన మేనేజర్‌ నేరం జరిగిన తీరుని న్యాయస్థానానికి వివరించడం జరిగింది. పోలీసులు కేసు విచారణ విషయాల్ని కోర్టు ముందుంచారు. ఈ నెలాఖరుకు ఇంకోసారి ఈ కేసు విచారణ జరుగుతుంది.