రువైస్‌లోని తక్రీర్‌ రిఫైనరీ వద్ద అగ్ని ప్రమాదం చోటు చేసుకుంది. అబుదాబీ నేషనల్‌ ఆయిల్‌ కంపెనీ (అడ్‌నాక్‌) ఈ విషయాన్ని ధృవీకరించింది. ప్రమాద కారణాలు ఇంకా తెలియరాలేదు. అయితే ప్రమాద స్థలంలో ఎవరూ గాయపడ్డంగానీ, చనిపోవడంగానీ జరగలేదని అడ్‌నాక్‌ అధికార ప్రతినిథి చెప్పారు. ప్రమాద ఘటనపై విచారణ జరుగుతున్నట్లు ఆయన వివరించారు. ఇంకో వైపున ప్రమాదం జరిగిన వెంటనే ఫైర్‌ సేఫ్టీ విభాగం అప్రమత్తమై మంటల్ని అదుపు చేసింది. 1999లో అబుదాబీ ఆయిల్‌ కంపెనీ తక్రీర్‌ ఏర్పాటయ్యింది. ప్రమాదం జరిగిన చోట పెట్రోలియం ప్రోడక్ట్స్‌, అలాగే గ్రాన్యూల్డ్‌ సల్ఫర్‌ వంటివి ఉత్పత్తి అవుతాయి. అబుదాబీ వెస్ట్రన్‌ రీజియన్‌లో 250 కిలోమీటర్ల దూరంలో దీన్ని ఏర్పాటు చేశారు.