దర్శకనిర్మాత మధుర శ్రీధర్‌ ప్రస్తుతం 'ఫ్యాషన్ డిజైనర్‌ సన్నాఫ్‌ లేడీస్‌ టైలర్‌' అనే చిత్రాన్ని నిర్మిస్తున్న విషయం తెలిసిందే. మూడు దశాబ్దాల క్రితం రాజేంద్రప్రసాద్‌ హీరోగా తెరకెక్కిన 'లేడీస్‌ టైలర్‌'కి సీక్వెల్‌ ఇది. వంశీ దర్శకత్వం వహిస్తున్నారు. ఇదిలా ఉండగా మధుర శ్రీధర్‌ మరో చిత్రానికి శ్రీకారం చుట్టారు. 'ఎ ఫర్‌ అమెరికా' ఆనే పేరుతో ఆయన నిర్మించనున్న తాజా చిత్రాన్ని సుజయ్‌-సుశీల్‌ అనే దర్శకద్వయం తెరకెక్కించనున్నారు. శ్రీధర్‌ మాట్లాడుతూ ''దర్శకద్వయం చెప్పిన కథ నచ్చింది. కాంటెంపరరీ అర్బన కామెడీ జోనర్‌లో సాగుతుంది. కథ వినగానే ఈ సినిమాని నిర్మించాలనే నిర్ణయానికి వచ్చాను.

మరో నిర్మాత అప్పిరెడ్డితో కలిసి నిర్మిస్తున్నాను. ఈ చిత్రం కోసం కొత్త నటీనటుల్ని తీసుకోవాలనుకుంటున్నాం'' అని అన్నారు. ఈ సినిమాకు సంగీతం: సునీల్‌ కశ్యప్‌.