ఇటీవలె వెండితెర మీద సత్తా చాటిన మెగాస్టార్‌ చిరంజీవి.. ఇప్పుడు బుల్లితెర మీదా తన స్టామినా చూపడానికి సిద్ధమవుతున్నాడు. 'మీలో ఎవరు కోటీశ్వరుడు' ప్రోగామ్‌ను ఇకపై నాగార్జున స్థానంలో చిరంజీవి హోస్ట్‌ చేయబోతున్న విషయం తెలిసిందే. ఇప్పటికే ఈ షోకు సంబంధించి కొన్ని ఎపిసోడ్స్‌ షూటింగ్స్‌ పూర్తయిపోయింది. డిసెంబర్‌ నెలాఖరు నుంచి ఈ షో ప్రసారం ప్రారంభించాలని అనుకున్నారు. అయితే ఈ షో హోస్టింగ్‌లో ఏవైనా తేడాలొస్తే.. ఆ రిజల్ట్‌ 'ఖైదీ నెంబర్‌ 150' మీద పడే అవకాశముందని భయపడి ఆపేశారు. ఇప్పుడు చిరంజీవి కమ్‌బ్యాక్‌కు అద్భుతమైన రెస్పాన్స్‌ రావడంతో ఈ షోను ఫిబ్రవరి నుంచి ప్రసారం చేయాలని భావిస్తున్నారు నిర్వాహకులు.

ఇప్పటికే ఈ షోకు సంబంధించిన ప్రోమోలు టీవీ ఛానెల్‌లో ప్రసారమవుతున్న విషయం తెలిసిందే. ఈ ప్రోమోల సంగతెలా ఉన్నా ప్రోగ్రామ్‌ మాత్రం బ్రహ్మాండమైన సక్సెస్‌ సాధిస్తుందని ధీమాగా ఉన్నారు నిర్వాహకులు. మరి, ఆ నిర్వాహకుల ఆశలను చిరంజీవి ఎంతవరకు నెరవేర్చగలడో చూడాలి.