ఎన్టీఆర్‌ హీరోగా బాబి డైరెక్షన్ లో ఓ సినిమా తెరకెక్కుతున్న సంగతి తెలిసిందే. ఎన్టీఆర్‌ ఆర్ట్స్‌ పతాకంపై కల్యాణ్‌రామ్‌ నిర్మిస్తున్న ఈ చిత్రానికి సినిమాటోగ్రాఫర్‌గా సీకే మురళీధరన్‌ను ఇటీవల ఎంపిక చేశారు. తాజాగా ఈ సినిమా కోసం మరో గొప్ప హాలీవుడ్ టెక్నీషియన్ ని తీసున్నట్టు సమాచారం. ‘లార్డ్‌ ఆఫ్‌ రింగ్స్‌’, ‘ఐరన్‌ మ్యాన్‌’, ‘లైఫ్‌ ఆఫ్‌ పై’, ‘రోబో’ వంటి చిత్రాలకు పనిచేసిన టెక్నీషియన్ వాన్స్‌ హార్ట్వెల్‌ ఈచిత్రానికి పనిచేస్తున్నట్లు చిత్ర యూనీట్ తెలిపింది. కృత్రిమ అవయవాల సృష్టికర్తగా, మేకప్ మేన్ గా ఆయనకి ఎంతో అనుభవం ఉంది. చిత్ర నిర్మాణ సంస్థ ట్విటర్‌ ద్వారా ఈ విషయాన్ని తెలియజేస్తూ వాన్స్‌ హార్ట్వెల్‌తో ఎన్టీఆర్‌ దిగిన ఫొటోను పోస్ట్‌ చేసింది.
ఎన్టీఆర్‌ తన కెరీర్‌లో తొలిసారిగా ఇందులో త్రిపాత్రాభినయం చేయనున్నారు. రాశీఖన్నా ఈ చిత్రంలో ఓ కథానాయిక పాత్ర పోషిస్తున్నారు. ‘జై.. లవ కుశ..’ అనే టైటిల్‌ను ఈ చిత్రానికి పరిశీలిస్తున్నట్లు సమాచారం. ఎన్టీఆర్ గెటప్స్ కోసమే ఈ టెక్నీషియన్ వాన్స్‌ హార్ట్వెల్‌ ను తీసుకుని ఉంటారని చెప్పుకుంటున్నారు. ఇంటర్నేషనల్  ఫేమ్ వాన్స్‌ హార్ట్వెల్‌ ను ఈ సినిమా కోసం తీసుకోవడంతో చాలా భారీ చిత్రంగా తెరకెక్కుతున్న విషయం అర్థమవుతోంది.