న్యూఢిల్లీ: జియో ఉచిత డేటాతో టెలికాం కంపెనీలన్నీ డేటా టారిఫ్ ధరల్ని గణనీయంగా తగ్గిస్తున్నాయి. తాజాగా ఆ జాబితాలో బీఎస్ఎన్ఎల్ కూడా చేరిపోయింది. ప్రస్తుతం ఉన్న ధరకు మూడు రెట్లు తగ్గించి రూ.36కే 1 జీబీ డేటా అందిస్తోంది. నియోగదారులకు ప్రత్యేక ప్యాక్ కింద ఈ ఆఫర్ ఇస్తున్నట్లు ప్రకటించింది. టెలికాం రంగంలోనే అత్యంత చౌకైన ఇంటర్నెట్ ప్యాక్ అని తెలిపింది. అంతేకాకుండా రూ.291 ప్లాన్‌లో డేటాను నాలుగు రెట్లు పెంచుతున్నట్లు వెల్లడించింది. 2 జీబీకి బదులు 8జీబీ డేటా, రూ.78 ప్లాన్‌లో డబుల్ డేటా(2జీబీ) అందిస్తున్నట్లు పేర్కొంది. ఈ ఆఫర్లు సోమవారం నుంచి అమల్లోకి వస్తాయని తెలిపింది. ఇంటర్నెట్ మార్గెట్ పెంచుకోవడానికే ఈ ఆఫర్లు తీసుకొస్తున్నట్లు వివరించారు.