మనామా: ఎన్‌ఆర్‌ఐ బిజినెస్‌ వింగ్‌ - బిబికె ఇండియా ప్రాపర్టీ షో (బిఐపిఎస్‌) 2017ను ఫిబ్రవరి 10 మరియు 11 తేదీల్లో క్రౌన్‌ ప్లా హోటల్‌లో నిర్వహించనున్నారు. భారత దేశం నుంచి ప్రముఖ డెవలపర్లు తమ ప్రాపర్టీస్‌ని ఇక్కడ డిస్‌ప్లే చేయనున్నారు. బహ్రెయిన్‌లోని భారతీయులకు ఈ ప్రాపర్టీ షో ఎంతో ఉపయోగపడ్తుందని నిర్వాహకులు తెలిపారు. బిబికె అసిస్టెంట్‌ జనరల్‌ మేనేజర్‌ - ఇంటర్నేషనల్‌ బ్యాంకింగ్‌ సికె జయదేవ్‌ మాట్లాడుతూ, బహ్రెయిన్‌లో నిర్వహిస్తున్న భారతీయులు ఈ సదవకాశాన్ని వినియోగించుకోవాలని విజ్ఞప్తి చేశారు. ఇన్వెస్ట్‌మెంట్‌ కోసం, అలాగే ఇతర అవసరాల కోసం పలు ఆకర్షణీయమైన ఆఫర్లు కూడా ఈ ప్రాపర్టీ షోలో అందుబాటులో ఉంటాయట. బహ్రెయిన్‌లో తొలిసారిగా ఈ తరహా అత్యున్నత స్థాయి ఎగ్జిబిషన్‌ జరుగుతోందని నిర్వాహకులు వివరించారు. ఉదయం 10 గంటల నుంచి రాత్రి 8 గంటల వరకు ప్రాపర్టీ షో సందర్శకులకు అందుబాటులో ఉంటుంది.