టర్కీలోని ఇద్దరు యువకులు సెల్ఫీ కోసం ఓ కుక్క రెండు చెవులు కోసేశారు. మూగజీవులను హింసించడం ఎక్కువైందనడానికి ఇదో నిదర్శనం. కుక్క చెవులు కోసేసిన అనంతరం రక్తమోడుతున్న ఆ కుక్క పక్కనే 
ఓ చేతిలో కుక్క చెవిని, మరో చేతిలో కత్తిని పట్టుకుని ఫొటోకు పోజిచ్చారు. దీనిని సోషల్ మీడియాలో పోస్టు చేశారు. ఈ ఫొటోలు సోషల్‌మీడియాలో వైరల్‌గా మారాయి.  దీన్ని చూసిన నెటిజన్లు సమాజం ఎటువైపు వెళ్తొందని విచారం వ్యక్తం చేస్తున్నారు. విషయం తెలుసుకున్న పోలీసులు ఇద్దరు యువకులను అదుపులోకి తీసుకుని 1150 డాలర్లు ఫైన్ విధించారు. దీనిని ఖండించిన  ‘ది మిచిగాన్‌ హ్యూమన్‌ సొసైటీ’ కుక్క చెవులు కత్తిరించిన వారి సమాచారం ఇస్తే 2500 డాలర్లు ఇస్తామని ప్రకటించింది.