షార్జా పోలీసులు ఓ బంగ్లాదేశీ వ్యక్తిని ఖోర్‌ ఫక్కాన్‌లో ఓ మహిళను తన మొబైల్‌ కెమెరా ద్వారా వీడియో తీస్తుండగా అరెస్ట్‌ చేశారు. షాపింగ్‌ మాల్‌ అడ్మినిస్ట్రేటర్‌ నిందితుడు, ఓ మహిళ వెంటపడుతుండడాన్ని గమనించి పోలీసులకు ఫిర్యాదు చేయడంతో, పోలీసులు రంగ ప్రవేశం చేసి ఆ వ్యక్తిని అదుపులోకి తీసుకున్నారు. నిందితుడి నుంచి స్వాధీనం చేసుకున్న మొబైల్‌ ఫోన్‌లో బాధితురాలికి సంబంధించిన వీడియోలను పోలీసులు గుర్తించారు. నిందితుడ్ని పబ్లిక్‌ ప్రాసిక్యూషన్‌కి రిఫర్‌ చేశారు. మొబైల్‌ ఫోన్లను ఇలాంటి పనులకు ఉపయోగిస్తే చట్టపరమైన చర్యలుంటాయని పోలీసు అధికారులు హెచ్చరిస్తున్నారు.