జెడ్డా: రియాద్‌లోని ప్రత్యేక క్రిమినల్‌ న్యాయస్థానం ఓ వ్యక్తికి ఏడేళ్ళ జైలు శిక్ష విధించింది. డయీష్‌ తీవ్రవాద సంస్థకి మద్దతివ్వడం, ఆ సంస్థకి చెందిన అత్యున్నతస్థాయి వ్యక్తులతో సంబంధాలు కొనసాగించడం వంటి నేరాలకుగాను నిందితుడికి శిక్ష ఖరారయ్యింది. వాట్సాప్‌ ద్వారా డయీష్‌ సంస్థ ప్రముఖులతో సంబంధాల్ని నిందితుడు కొనసాగిస్తున్నట్లు విచారణలో తేలింది. డయీష్‌లో చేరి నసిరియాకి వ్యతిరేకంగా టెర్రరిస్ట్‌ ఆపరేషన్‌ చేపట్టాలనుకుంటున్నట్లు విచారణలో నిందితుడు అంగీకరించాడు. డయీష్‌ సంస్థకి సంబంధించిన ఆడియో, వీడియో క్లిప్పింగ్స్‌ని నిందితుడి మొబైల్‌ ఫోన్‌లో గుర్తించారు పోలీసులు. అరెస్ట్‌ అయినప్పటినుంచి ఏడేళ్ళపాటు నిందితుడికి జైలు శిక్షను విధించడం జరిగింది. శిక్ష పూర్తయ్యాక ఏడేళ్ళపాటు ట్రావెల్‌ బ్యాన్‌ కూడా అదనంగా విధించింది న్యాయస్థానం.