తెలుగు కుర్రాడు రోనికి అరుదైన అవకాశం దక్కింది. వెయ్యిమంది అబ్బాయిలను ఆడిషన్ చేయగా.. హాలీవుడ్‌లో కామెడీ మూవీ 'గ్రోయింగ్ అప్ స్మిత్'లో నటించే ఛాన్స్ లభించింది. ఏపీ.. తాడేపల్లిగూడేనికి చెందిన రోని ఈ సినిమాలో స్మిత్ భట్నాగర్ అనే కుర్రాడి పాత్రలో నటిస్తున్నాడు. 1979లో అమెరికాలో పెరిగిన స్మిత్ అనే బాలుడి కథే ఇది. రోని ప్రతిభను షికాగో డైలీ హెరాల్డ్ హైలైట్ చేయగా టైం మ్యాగజైన్ ప్రచురిస్తున్న మూవీ ఆఫ్ ది వీక్‌లోనూ ఇతనికి, ఈ చిత్రానికి మంచి ప్రాధాన్యతనిచ్చారు.
ఇది తన ఫస్ట్ సినిమా అని, జేసన్ లీ, హిల్లరీ బర్టన్ వంటి యాక్టర్లతో నటించడం తన అదృష్టమని పొంగిపోతున్నాడు రోని. కొన్ని టీవీ షోలలో నటించినప్పటికీ తనకు మరింత ట్రైనింగ్ అవసరమని అంటున్నాడు.
1970 ప్రాంతాలనాటి కుర్రాడి మేనరిజాన్ని తాను ఈ సినిమాలో చూపాల్సి ఉందని అంటున్నాడు. స్టయిలిష్ స్టార్ అల్లు అర్జున్‌కి తను ఫ్యాన్ అని, బన్నీ డ్యాన్సులంటే చాలా ఇష్టమని తెలిపాడు. ఇతని తల్లి రజని విజయవాడ నివాసి.