రంగుల పండుగ హోలీ సందర్భంగా భీగీ చునరియా - హోలీ 2017 వేడుకల్ని అంగరంగ వైభవంగా నిర్వహించనున్నారు. ఈ కార్యక్రమానికి బాలీవుడ్‌ ప్రముఖులు హృతిక్‌ రోషన్‌, సోనూసూద్‌, విశాల్‌ శేఖర్‌, బాద్‌షా, నీతి మోహన్‌ తదితరులు డిజె హరీష్‌, డిజె బుద్ధా, డిజె పియర్‌ తదితరులు హాజరు కానున్నారు. యూఏఈలో నివసిస్తున్న 200 దేశాలకు చెందిన వారు ఈ వేడుకకి హాజరవుతారని అంచనా. ఈ వివరాల్ని తెలిపేందుకు జెడబ్ల్యు మారియాట్‌ మార్కిస్‌ హోటల్‌లో ప్రెస్‌ కాన్ఫరెన్స్‌ ఏర్పాటు చేశారు నిర్వాహకులు. సోనూసూద్‌ సహా పలువురు ప్రముఖులు ఈ ప్రెస్‌మీట్‌కి హాజరయ్యారు. రెడ్‌ ఫ్లై ఈవెంట్స్‌, మార్చ్‌ 17న ఆటిజం రాక్స్‌ ఎరినా - దుబాయ్‌ ఔట్‌లెట్‌ మాల్‌ భీగీ చునరియా - హోలీ 2017 వేడుకలకు వేదిక కానుంది. ఈ వేడుకలో జాయ్‌ ఆఫ్‌ గివింగ్‌ అనేది ముఖ్యమైన ఎలిమెంట్‌ అని మిసెస్‌ సాధనా అగర్వాల్‌ చెప్పారు. రాకేష్‌ అగర్వాల్‌ మాట్లాడుతూ, ఇండియన్స్‌తోపాటు, వివిధ దేశాలకు చెందిన సంస్కృతీ సంప్రదాయాల్ని ప్రతిబింబించేలా ఈవెంట్‌ని నిర్వహిస్తున్నట్లు తెలిపారు. రెయిన్‌ మేకర్‌ ఈవెంట్‌ ఓనర్‌ దీపక్‌ మిర్చందానీ మాట్లాడుతూ, ఈ వేడుక ప్రపంచ వ్యాప్తంగా అందరూ చర్చించుకునేలా తీర్చిదిద్దుతున్నట్లు వివరించారు.