హైదరాబాద్ పరిధిలో 9 లక్షల కనెక్షన్లు కలిగిన ప్రభుత్వం రంగ టెలికం సంస్థ బీఎస్ఎన్ఎల్ భలేభలే ఆఫర్లు ప్రకటించింది. ప్రైవేటు ఆపరేటర్లకు దీటుగా వినియోగదారులను ఆకర్షించేందుకు తాజా వివిధ రకాల ఆఫర్లుతో ముందుకొచ్చింది. ఇవే ఆ ప్లాన్లు.. 'ఆల్‌ ఫ్రీ ప్లాన్‌' పేరుతో రూ.144 వోచర్‌తో 30 రోజుల కాలపరిమితితో అన్ని నెటవర్క్‌లకు రోజుకు అరగంటపాటు ఉచితంగా మాట్లాడుకోవచ్చు. అదే రూ.439 వోచర్‌తో 90 రోజుల వరకు ఈ ఆఫర్‌ను ఉపయోగించుకోవచ్చు. ఆఫర్ మార్చి 31 వరకు అందుబాటులో ఉంటుంది. రూ.339తో 28 రోజుల కాల పరిమితితో స్పెషల్ టారిఫ్ వోచర్ అందుబాటులోకి తీసుకొచ్చింది. ఈ ఆఫర్ కింద అన్ని నెట్‌వర్క్‌లకు ఉచితంగా కాల్స్ చేసుకోవచ్చు.

అంతేకాక 1 జీబీ డేటాను కూడా ఉపయోగించుకోవచ్చు. అదే రూ.139 వోచర్‌పై అయితే 300 ఎంబీ ఉచిత డేటాతోపాటు సేమ్ నెట్‌వర్క్‌కు అపరమిత కాల్స్ చేసుకోవచ్చు. మార్చి 17 వరకు ఈ ఆఫర్ అందుబాటులో ఉంటుంది. అలాగే వివిధ రీచార్జ్ వోచర్లపై అదనపు టాక్‌టైం అందిస్తోంది.

వీటితోపాటు రూ. 4498, రూ. 3998, రూ.2798, రూ.1498 వోచర్లపై డబుల్ డేటా అందిస్తున్నట్టు బీఎస్ఎన్ఎల్ ప్రకటించింది. ఈ ఆఫర్ కూడా మార్చి 31 వరకు అందుబాటులో ఉంటుంది.

అలాగే కాంబో ఆఫర్లు, కొత్త కనెక్షన్లు తీసుకున్న వారి కోసం కూడా బీఎస్ఎన్ఎల్ బంపరాఫర్లు ప్రకటించింది. మరిన్ని వివరాలకు సంస్థ అధికారిక వెబ్‌సైట్లో సంప్రదించవచ్చు.