ప్రముఖ మెసేజింగ్‌ యాప్‌ వాట్సాప్‌ మరో సరికొత్త ఫీచర్‌ను యూజర్లకు అందుబాటులోకి తీసుకొచ్చింది. తాజా ఫీచర్‌తో స్టేటస్‌ను మరింత ఆకర్షణీయంగా మార్చుకోవచ్చు. ఇకపై ఫొటోలు, వీడియోలు, జిఫ్‌ ఇమేజ్‌లు, ఎమోజీలు, డ్రాయింగులను స్టేటస్‌లో పెట్టుకోవచ్చు. మీ ఫోన్‌ కాంటాక్ట్‌ లిస్టులో ఉన్న వారందరికీ ఈ స్టేటస్‌ 24 గంటల పాటు కనిపిస్తుంది. ప్రపంచవ్యాప్తంగా వాట్సాప్‌ ఉపయోగిస్తున్న 1.2బిలియన్‌ యూజర్లకు ఇది త్వరలో అందుబాటులోకి రానున్నట్లు కంపెనీ వెల్లడించింది.