హిల్‌ స్టేట్ హిమాచల్‌ప్రదేశ్‌కు ఇక నుంచి దౌలందర్ రేంజ్‌లోని ధర్మశాల రెండో రాజధానిగా కొనసాగనుంది. ఈమేరకు రాష్ట్ర కేబినెట్ గురువారం ఆమోదముద్ర వేసింది. రాష్ట్ర శీతాకాల రాజధానిగా ధర్మశాలను ప్రతిపాదిస్తున్నట్టు జనవరి 19న ముఖ్యమంత్రి వీరభద్రసింగ్ ప్రకటించారు. ఈ మేరకు తాజాగా గురువారం సమావేశమైన కేబినెట్ ఆయన ప్రతిపాదనను అంగీకరిస్తూ ఆమోదం తెలిపింది. కాగా వచ్చే ఏడాది హిమాచల్‌ప్రదేశ్‌లో ఎన్నికలు జరగనుండడం విశేషం.