నిన్నమొన్నటి వరకు టెలికం రంగంలో మన దగ్గర నడిచిన యుద్ధం ఇప్పుడు చైనాకు పాకింది. ఉచిత కాల్స్, డేటాతో సంచలనం సృష్టించిన రిలయన్స్ జియో ఇప్పటికీ తనదైన శైలిలో ముందుకెళ్తూనే ఉంది. జియో ప్రభావమో ఏమో కానీ ఇప్పుడు చైనాలోని టెలికం ఆపరేటర్లు కూడా ఇటువంటి 'ఉచితా'లకే తెరతీశారు. ఆ దేశానికి చెందిన చైనా టెలికమ్యూనికేషన్స్ కార్పొరేషన్, చైనా మొబైల్ కమ్యూనికేషన్స్ కార్ప్, చైనా యునైటెడ్ నెట్‌వర్క్ కమ్యునికేషన్స్ గ్రూప్‌ లిమిటెడ్‌లు డొమెస్టిక్ రోమింగ్ చార్జీలను రద్దు చేస్తున్నట్టు ప్రకటించాయి. అక్టోబరు నుంచి ఇంటర్ ప్రావిన్స్ రోమింగ్ చార్జీలను రద్దు చేయాలని నిర్ణయించాయి. ఈ మేరకు ఈ మూడు సంస్థల చైర్మన్లు ప్రకటించారు.తద్వారా ఖాతాదారులకు బిల్లుల భారం తగ్గుతుందని చెబుతున్నారు.