ఉమెన్స్‌ డే నాడు ట్విట్టర్‌లో మహిళలపై వర్మ చేసిన కామెంట్స్‌ దుమారం రేపాయి. వివాదాస్పద ట్వీట్లపై గోవాలో ఓ సామాజిక కార్యకర్త ఫిర్యాదు చేశారు. RGV ట్విట్టర్ ఎకౌంట్‌ను శాశ్వతంగా బ్లాక్ చేయాలని పోలీసులను కోరారు. ఐతే, రామూ దీనిపై ఏ మాత్రం వెనక్కి తగ్గ లేదు. సన్నీలియోన్‌ నిజాయతీ పట్ల తనకున్న గౌరవాన్ని బహిరంగంగా వ్యక్తపరచానన్నాడు. తనపై ఫిర్యాదుచేసిన వారిపై  తిరిగి కౌంటర్ కంప్లైంట్ చేస్తానన్నాడు. చివరికేదైతేనేం రాత్రికి సారీ చెప్పాడు. వివాదాన్ని ఇక్కడితో వదిలేద్దామని ట్వీట్ చేశాడు.

ఎట్టకేలకు వర్మ దిగి వచ్చారు. వుమెన్స్‌ డే రోజు తాను చేసిన కామెంట్స్‌ వల్ల ఎవరైనా బాధపడి ఉంటే వారికి క్షమాపణ చెప్పారు. భారతదేశంలో అందరికీ తమ అభిప్రాయాలను వెల్లడించే హక్కు ఉంద్న వర్మ.. తనను బెదిరించాలని చూస్తే మాత్రం తగ్గేది లేదన్నారు.