మళ్లీ మోడీ జపం పని చేసింది. ఐదు రాష్ట్రాల (ఉత్తరప్రదేష్, ఉత్తరాంఖడ్, మణిపూర్, పంజాబ్, గోవా) ఫలితాల్లో బీజేపీ దూసుకెళ్లింది. ఎగ్జిట్ పోల్స్ కూడా ఎక్స్ పెక్ట్ చేయని రేంజ్ లో అత్యథిక బీజేపీ అత్యథిక స్థానాలు గెలుచుకోవడం విశేషం. ఈ ఉదయం నుంచి కొనసాగుతోన్న కౌంటింగ్‌ ముగిసింది. ఫైనల్ రిపోర్ట్ వచ్చేసింది.
ఉత్తరప్రదేశ్‌, ఉత్తరాఖండ్‌లో బీజేపీ ప్రంభంజనం సృష్టించింది. యూపీలో 403 స్థానాలకు గానూ.. బీజేపీ ఏకంగా 324 స్థానాలను కైవసం చేసుకొని విజయ దుందుబి మోగించింది. ఎస్సీ-కాంగ్రెస్‌ 54, బీఎస్పీ 19, ఇతరులు 5 స్థానాలతో సరిపెట్టుకున్నారు. ఉత్తరాఖండ్‌లోనూ 60 అసెంబ్లి స్థానాలకు గాను, బీజేపీ 56 స్థానాల్లో గెలుపొంది విజయకేతనం ఎగురవేసింది.
ఇక్కడ కాంగ్రెస్‌ 11, ఇతరులు 2 స్థానాల్లో గెలువగా, బీఎస్పీ ఖాతా తెరవలేకపోయింది.
పంజాబ్‌ మాత్రం కాంగ్రెస్‌ విజయ దుందుభి మోగించింది. పంజాబ్‌లో మొత్తం 117 అసెంబ్లీ స్థానాలకు గాను కాంగ్రెస్‌ 77, ఆమ్‌ ఆద్మీ పార్టీ 2, శిరోమీ అకాళీదల్‌-బీజేపీ 18, ఇతరులు 2 స్థానాలను కైవసం చేసుకున్నారు.
ఇక, మణిపూర్‌, గోవాలో ఏ పార్టీ స్పష్టమైన మేజార్టీని చూపలేకపోయింది. 60 అసెంబ్లీ స్థానాలున్న మణిపూర్‌లో కాంగ్రెస్‌ 25, బీజేపీ 21, ఇతరులు 11 స్థానాలను కైవసం చేసుకున్నారు. గోవాలో 40 అసెంబ్లీ స్థానాలకు గాను కాంగ్రెస్‌ 19, బీజేపీ 14, ఎంజీపీ కూటమి 3, ఇతరులు 4 స్థానాలను కైవసం చేసుకున్నాయి. దీంతో.. ఈ రెండు రాష్ట్రాల్లో పొత్తులు-జిత్తులకి తెరలేచింది.
మొత్తంగా.. 2019 ఎన్నికలకి సెమీ ఫైనల్ గా భావించిన ఐదు రాష్ట్రాల ఎన్నికల్లో బీజేపీ విజేతగా నిలిచింది. 2019లో మరోసారి అధికారం మనదేన్న ధీమాని పార్టీ శ్రేణులకి కలిగించింది.