మనామా: ఓ విదేశీ మహిళ, న్యూ బోర్న్‌ బేబీని, బహ్రెయిన్‌ ఇంటర్నేషనల్‌ ఎయిర్‌పోర్ట్‌లో విడిచిపెట్టిన ఘటనకు సంబంధించి ఆ మహిళను బహ్రెయిన్‌ అధికారులు తిరిగి తీసుకురావడం జరిగింది. చైల్డ్‌ అండ్‌ ఫ్యామిలీ ప్రాసిక్యూషన్‌ డిప్యూటీ అటార్నీ హమాద్‌ అల్‌ గల్లాఫ్‌ మాట్లాడుతూ, ఆ మహిళ ఆసియా జాతీయురాలనీ, దుబాయ్‌ నుంచి ఆమెను బహ్రెయిన్‌కి రప్పించడం జరిగిందని చెప్పారు. ఇన్‌ఫాంట్‌ మృతదేహం, వేస్ట్‌ బిన్‌లో దర్శనమిచ్చింది. ఈ ఘటనతో అలర్ట్‌ అయిన అధికారులు, ఆ మహిళకు ఇంటర్నేషనల్‌ అరెస్ట్‌ వారెంట్‌ని జారీ చేశారు. ప్రీ డెలివరీ కోసం నిందితురాలు కొన్ని ట్యాబ్లెట్స్‌ని వేసుకున్నట్లుగా విచారణలో నిర్ధారించారు. ఇంటర్‌పోల్‌ సహాయంతో ఇరు దేశాలకు చెందిన అధికారులు చర్చించి, ఆమెను బహ్రెయిన్‌కి తీసుకురాగలిగారు. మహిళ, విచారణ నిమిత్తం కస్టడీకి పంపబడింది.