యూరోపియన్ యూనియన్ అత్యున్నత న్యాయస్థానం మంగళవారం సంచలనాత్మక తీర్పునిచ్చింది. కంపెనీలు, యజమానులు తమ వద్ద పని చేసే సిబ్బంది మతపరమైన చిహ్నాలను ధరించడంపై నిషేధం విధించవచ్చునని స్పష్టం చేసింది. ముస్లిం మహిళలు బురఖాలను ధరించడంపై ఇదే తొలి తీర్పు కావడం గమనార్హం. ఫ్రాన్స్, బెల్జియంకు చెందిన ఇద్దరు మహిళలు దాఖలు చేసిన రెండు కేసుల్లో కోర్ట్ ఆఫ్ జస్టిస్ ఈ తీర్పునిచ్చింది. ''ఏదైనా రాజకీయ, సైద్ధాంతిక లేదా మతపరమైన చిహ్నాన్ని బహిరంగంగా కనిపించేవిధంగా ధరించడాన్ని నిషేధించే అంతర్గత నిబంధన ప్రత్యక్ష వివక్ష కాదు'' అని పేర్కొంది. ఫిర్యాదుదారులు బురఖాలను తొలగించేందుకు నిరాకరించడంతో ఉద్యోగం నుంచి తొలగింపునకు గురయ్యారు. ఇదిలావుండగా, డచ్ ఎన్నికల సందర్భంగా ముస్లింల వలసలు కీలకాంశంగా మారాయి.​