రవితేజ మళ్ళీ జోరు పెంచారు. విక్రంసిరి దర్శకత్వంలో 'టచ్ చేసి చూడు' .. అనిల్ రావిపూడి దర్శకత్వంలో 'రాజా ది గ్రేట్' సినిమాలతో బిజీగా వున్నారు. ఇప్పుడు మరో సినిమాకి గ్రీన్ సిగ్నల్ ఇచ్చారు. లక్ష్మణ్ అనే దర్శకుడితో ఓ సినిమా చేయబోతున్నారని టాక్ .
తమిళంలో లక్ష్మణ్ తెరకెక్కించిన 'బోగన్' సినిమా అక్కడ భారీ విజయాన్ని సాధించింది. అరవింద్ స్వామి - జయం రవి ప్రధాన పాత్రలను పోషించిన ఈ సినిమాను ఇప్పుడు తెలుగులో రీమేక్ చేయాలనుకుంటున్నాడు. జయం రవి పోషించిన పాత్రకి గాను రవితేజను ఒప్పించాడని తెలిసింది. అరవింద్ స్వామి పాత్ర కోసం మరో హీరోని అన్వేషించే పనిలో వున్నారు. త్వరలోనే ఈ సినిమాకి సంబధించిన పూర్తి వివరాలు బయటికి రానున్నాయి.