ఐఎస్‌ కాల్పుల్లో బంగ్లాదేశ్‌ ఆర్మీ ఉన్నతాధికారి మృతి చెందారు. బంగ్లా ఆర్మీ వెల్లడించిన వివరాల ప్రకారం... రాపిడ్‌ యాక్షన్‌ బెటాలియన్స్‌ ఇంటెలిజెన్స్‌ బలగాలు ఉగ్రవాదుల ఏరివేత కోసం సిల్నెత్‌ ప్రాంతంలో గతవారం ప్రత్యేక ఆపరేషన్‌ నిర్వహించాయి. ఈ ప్రత్యేక ఆపరేషన్‌కు సారథ్యం వహించిన ఆర్మీ ఉన్నతాధికారి అబుల్‌ కలామ్‌ ఆజాద్‌ (41) ఉగ్రదాడుల్లో తీవ్రంగా గాయపడ్డారు. సైనిక ఆస్పత్రిలో ఆయనకు చికిత్స అందించారు. అనంతరం మెరుగైన చికిత్స కోసం సింగపూర్‌కు తరలించారు. సింగపూర్‌లోని ఓ ప్రయివేట్‌ ఆస్పత్రిలో ఆజాద్‌ మృతిచెందినట్టు శుక్రవారం బంగ్లాదేశ్‌ సైన్యం ప్రకటించింది. అజాద్‌ మృతి పట్ల ప్రగాఢ సానుభూతి వ్యక్తం చేసింది.