కేరళ నుంచి విదేశాలకు వెళ్ళాలనుకునేవారికి ఆరోగ్య భీమా తప్పనిసరి కానుంది. ఇందుకోసం కేరళ ప్రభుత్వం సన్నాహాలు చేస్తోంది. భారతదేశం నుంచి అధికారికంగా ఇప్పటివరకు ఇలాంటి 'తప్పనిసరి' నిబంధన లేదు. కేరళ ప్రభుత్వం ఈ నిబంధనను అమలులోకి తీసుకొస్తే, దేశంలోనే తొలి రాష్ట్రంగా ఈ విభాగంలో కేరళ అరుదైన ఘనతను సొంతం చేసుకోనుంది. విదేశాల్లో ఉంటున్న కార్మికులు ఈ అంశంపై చర్చిస్తున్నారు. కేరళ ప్రభుత్వం కూడా వారితో చర్చలు జరుపుతోంది. భీమా ప్రీమియం ఎలా ఉండాలి? ఎంతవరకు అది అత్యవసరం? అనే అంశాలను చర్చిస్తున్నట్లు నాన్‌ రెసిడెంట్‌ కేరళైట్స్‌ డిపార్ట్‌మెంట్‌ (నోర్కా) సెక్రెటరీ రాణి జార్జ్‌ చెప్పారు. ఫిలిప్పీన్‌ దేశంలో ఈ హెల్త్‌ ఇన్సూరెన్స్‌ తప్పనిసరి నిబంధన అమల్లో ఉంది. 2014 అంచనాల ప్రకారం 2.3 మిలియన్‌ రేరళీయులు విదేశాల్లో ఉంటున్నారు. వారిలో ఎక్కువమంది గల్ప్‌ దేశాల్లోనే ఉపాధి పొందుతున్నారు.

--నూనె లెనిన్ కుమార్(ఒమాన్)