దుమ్ము దులిపేసిన తెలుగు సింగర్ రేవంత్‌..

- April 02, 2017 , by Maagulf

ఇండియన్‌ ఐడల్‌ కిరీటం తెలుగు సింగర్ ఎల్వీ రేవంత్ సొంతమైంది. 25 ఏళ్ల రేవంత్.. సీజన్-9 ఫైనల్లో తన పాటలతో అందర్నీ కట్టిపడేశాడు. ఆదివారం జరిగిన ఫైనల్‌లో తుది పోటీలో ఆయన విజేతగా నిలిచినట్లు మాజీ క్రికెటర్ సచిన్‌ తెండూల్కర్‌ ప్రకటించాడు. చక్‌దే సినిమా నుంచి మర్‌ జాయోన్‌ యా జీ లూన్‌ జరా పాట పాడి జవాన్లను అంకితమిచ్చాడు.
ఇండియన్‌ ఐడల్‌ కిరీటంతోపాటు యూనివర్సల్‌ మ్యూజిక్‌ కంపెనీతో ఒప్పందం, రూ. 25 లక్షల నగదు బహుమతిని రేవంత్‌ గెలుచుకున్నాడు. పంజాబ్‌కు చెందిన ఖుదాబక్ష్‌ సెకండ్ ప్లేస్ కాగా, మరో తెలుగు కుర్రాడు రోహిత్‌ మూడో స్థానంతో సరిపెట్టుకున్నాడు.
శ్రీకాకుళంలో పుట్టిన రేవంత్, హైదరాబాద్‌లో సింగర్‌గా సెటిలయ్యాడు.
విశాఖ నుంచి ఎంట్రీ ఇచ్చిన రేవంత్, ఇండియన్‌ ఐడల్‌గా నిలిచిన రెండో తెలుగు సింగర్. టాలీవుడ్‌లో రేవంత్‌కు మంచి గుర్తింపు ఉంది. బాహుబలిలో ఆయన ఓ పాట పాడాడు.

Click/tap here to subscribe to MAAGULF news alerts on Telegram

తాజా వార్తలు

- మరిన్ని వార్తలు

Copyrights 2015 | MaaGulf.com