మనామా: పలువురు షురా కౌన్సిల్‌ మెంబర్స్‌ తాజాగా లా ప్రపోజల్‌ ఒకదాన్ని తెరపైకి తెచ్చారు. అతి వేగంతో ప్రయాణించే డ్రైవర్లకు జరీమానా విధించే విషయమై 'రోడ్‌ స్పీడ్‌ లిమిట్‌ని దాటి 20 శాతం వేగంతో వెళితే' నిబంధన తేవాలని ఈ లా ప్రపోజల్‌ని తెస్తున్నారు. ఖామిస్‌ అల్‌ రుమౌహి, జమీలా సల్మాన్‌, ఖాలిద్‌ అల్‌ మస్కటి, అహ్మద్‌ బహ్‌జాద్‌ మరియు హలా రమ్జి తదితరులు ఈ ప్రపోజల్‌ని సబ్‌మిట్‌ చేయడం జరిగింది. కౌన్సిల్‌కి చెంది ఫారిన్‌ ఎఫైర్స్‌, డిఫెన్స్‌ అండ్‌ నేషనల్‌ సెక్యూరిటీ కమిటీకి ఈ ప్రపోజల్‌ని అందించారు. రోడ్‌ స్పీడ్‌ లిమిట్‌ దాటి 10 శాతం వేగంతో వెళ్ళినా వారికి జరీమానా విధించేలా గతంలోనే జనరల్‌ డైరెక్టరేట్‌ ఆఫ్‌ ట్రాఫిక్‌ చర్యలు తీసుకోనున్నట్లు వెల్లడించింది. ఇంకో వైపున సభ్యులు, 15 రోజుల్లోగా ఎవరైతే జరీమానాలు చెల్లిస్తారో వారికి 50 శాతం తగ్గింపు ఇవ్వాల్సిందిగా కూడా డిమాండ్‌ చేశారు.