కావలసిన పదార్ధాలు: మిక్స్‌డ్‌ స్ర్పౌట్స్‌ (పెసలు, శనగలు, సోయా)- ఒక కప్పు, నానబెట్టిన బియ్యం - ఒక కప్పు, వెన్న లేదా నెయ్యి - అర టీ స్పూన్, జీలకర్ర - పావు టీ స్పూన్, ఇంగువ - చిటికెడు, తరిగిన ఉల్లి తరుగు - రెండు టీ స్పూన్లు, వెల్లుల్లి ముద్ద - ఒక టీ స్పూన్, ఉప్పు - తగినంత, నీళ్ళు - తగినన్ని 
 తయారీ విధానం: కుక్కర్‌ స్టవ్‌ మీదపెట్టి, దాంట్లో నెయ్యి వేసి వేడిచేయాలి. జీలకర్ర వేసి చిటపటలాడగానే ఇంగువ, వెల్లుల్లి ముద్ద వేసి కలపాలి. సన్నని మంటమీద కొద్దిసేపు వేగనివ్వాలి. తరువాత ఉల్లి తరుగు వేసి రెండు నుంచి మూడు నిమిషాలసేపు వేయించాలి. దానికి బియ్యం, మొలకెత్తిన గింజలు కలిపి ఓ అరగంట సేపు ఉడికించాలి. తగినన్ని నీళ్ళు, ఉప్పు వేసి బాగా కలిపి కుక్కర్‌ మూతపెట్టాలి. మూడు విజిల్స్‌ వచ్చాక స్టవ్‌ ఆఫ్‌ చేసి మెత్తగా అయ్యేలా గరిటెతో కలపాలి. వేడిగా ఉన్నప్పుడే పెరుగుతో సర్వ్‌ చేస్తే కిచిడీ అదుర్స్‌.