అబుధాబి:ట్రాఫిక్‌ నిబంధనల్ని ఉల్లంఘించిన ఆరుగురు వ్యక్తులకు కమ్యూనిటీ సర్వీస్‌ చేసేలా శిక్ష విధించారు. గ్యాస్‌ స్టేషన్‌ అటెండెంట్‌, సిటీ వీధుల్ని శుభ్రం చేయడం, మసీదులు, పబ్లిక్‌ లైబ్రరీస్‌, పబ్లిక్‌ ప్రాంతాల్ని శుభ్రం చేయడం వంటి శిక్షల్ని వీరికి విధించడం జరిగింది. రెక్లెస్‌ డ్రైవింగ్‌, పబ్లిక్‌ రోడ్లపై ప్రమాదకర రీతిలో రేసింగ్‌ నిర్వహఙంచడం వంటి నేరాలకుగాను వీరికి ఈ శిక్షను విధించారు. ఆరుగురిలో ఐదుగురు ఎమిరేటీలు కాగా, ఒకరు మరో అరబ్‌ గల్ఫ్‌ దేశానికి చెందినవారు. నిర్లక్ష్యంగా వ్యవహరించేవారికి కమ్యూనిటీ సర్వీస్‌ ద్వారా పశ్చాత్తాపం కలుగుతుందని అధికారులు చెప్పారు. ఈ శిక్షలు ఒక నెల నుంచి మూడు నెలల వరకు ఉండడం గమనించదగ్గ అంశం.