డ్యాన్సర్, కొరియో గ్రాఫర్, నటుడు, డైరెక్టర్ మల్టీటాలెంటెడ్ పర్సన్ ప్రభుదేవా మరో టాలెంట్ ని బయట పెట్టాడు.. ఎం.ఎస్.అర్జున్ దర్శకత్వంలో తెరకెక్కుతున్న 'ఎంగ్ మంగ్ సంగ్' అనే మూవీ లో ప్రభుదేవా నటిస్తున్న సంగతి విధితమే.. ఈ సినిమా లో 'అయ్యనారా వందుటాంగ ఇంగ పారు' అనే పాటను ప్రభుదేవా రాయగా.. అమ్రీష్ సంగీత అందించగా.. శంకర్ మహదేవన్ పాడారు. ఈ పాటకు చెందిన సన్నివేశాలను  శ్రీధర్ కొరియోగ్రఫీ అందించగా కుంభకోణం లో ప్రభుదేవా 150 మంది నృత్య కళాకారులతో ఈ పాటను చిత్రీకరించారు.. వాసన్‌ విజువల్‌ వెంచర్స్‌ సంస్థ పతాకంపై కె.ఎస్‌.శ్రీనివాసన్‌, కె.ఎస్‌.శివరామన్‌ ఈ చిత్రాన్ని సంయుక్తంగా నిర్మిస్తున్న ఈ సినిమాలో ప్రభుదేవా సరసన లక్ష్మీమేనన్ నటిస్తోంది.