రెండు రోజుల క్రితం ముంబయ్‌ ఎయిర్‌పోర్ట్‌ నుంచి రాకపోకలు సాగించే విమానాలను హైజాక్‌ చేస్తామంటూ అజ్ఞాత వ్యక్తుల నుంచి బెదిరింపు కాల్స్‌ రావడంతో భద్రతా సిబ్బందిని నిఘా వర్గాలు ఎలర్ట్‌ చేశాయి.అయితే.. తాజాగా హైదరాబాద్‌, విశాఖపట్నం ఎయిర్‌ పోర్టుల నుంచి సైతం విమానాలను హైజాక్‌ చేస్తామని ఈ మెయిల్‌ బెదిరింపులు రావడంతో సెక్యూరిటీని బాగా టైట్‌ చేశారు.భద్రతను కట్టు దిట్టం చేయాలని కేంద్ర నిఘా వర్గాలు హెచ్చరికలు జారీ చేయడంతో శంషాబాద్‌,విశాఖపట్నం ఎయిర్‌పోర్ట్‌లలో   తనిఖీలు ముమ్మరం చేశారు. సిఐఎస్‌ఎఫ్‌ బలాలకు తోడు ఆక్టోపస్‌,స్థానిక పోలీసులను సైతం రంగంలోకి దించి అన్ని ఎయిర్‌పోర్ట్‌లను జల్లెడపడుతున్నారు.అనుమానాస్పద వస్తువులు,వ్యక్తుల పట్ల అప్రమత్తంగా ఉండాలని హెచ్చరిస్తున్నారు.