జెడ్డా: జెడ్డాలోని ఓ స్కూల్‌ టీచర్‌, సోషల్‌ క్యాంపెయిన్‌ని ప్రారంభించారు. ఈ క్యాంపెయిన్‌లో 50 మందికి పైగా విద్యార్థినులు పాల్గొంటున్నారు. ఏడాది పాటు ఈ కార్యక్రమం జరగనుంది. స్కూళ్ళలో విద్యార్థినీ విద్యార్థులకు వివిధ సామాజిక అంశాలపై చైతన్యం కల్పించడం ఈ క్యాంపెయిన్‌లో భాగం. తద్వారా పవర్‌ఫుల్‌ సొసైటీకి మార్గం సుగమం చేయడం, అలాగే విద్యార్థుల్లో నెగెటివ్‌ యాటిట్యూడ్‌ని తగ్గించడం వంటి కీలక అంశాలు ఈ క్యాంపెయిన్‌లో ఉన్నాయి. ఈ క్యాంపెయిన్‌ ఫౌండర్‌ నజా అల్సులామి మాట్లాడుతూ, ఆన్‌లైన్‌ ద్వారా కూడా ఈ క్యాంపెయిన్‌ని విస్తృతంగా చేపట్టబోతున్నామని చెప్పారు. వర్క్‌ షాపులు నిర్వహించడం, డిస్కషన్‌ వేదికల్ని నిర్వహించడం వంటి చర్యల ద్వారా సమాజంలో మెరుగైన మార్పులకు శ్రీకారం చుట్టబోతున్నట్లు వివరించారామె. రేడియో ప్రోగ్రామ్స్‌, స్కూల్‌ విజిట్స్‌ ద్వారా ఈ క్యాంపెయిన్‌ని ఉధృతం చేస్తారు. ప్రెజెంటేషన్‌, ఇంప్లిమెంటేషన్‌, కంటిన్యూయేషన్‌ - ఇలా ఈ ప్రోగ్రామ్‌ని అత్యున్నత రీతిలో విజయవంతం చేస్తామని అల్సులామి వివరించారు.