అనుకోని సమస్యల్లో ఇరుక్కున్నవారిని ఆదుకోవడంలో ఎప్పుడూ ముందుండే అజీజ్‌ అనే మానవతావాది హఠాన్మరణం అందరినీ కలచివేసింది. టికె అజీజ్‌, 30 ఏళ్ళ క్రితం ఖతార్‌కి వచ్చి, ఇక్కడే నివసిస్తున్నారు. కేరళలోని కోజికోడ్‌కి చెందిన వ్యక్తి ఈయన. ఖతార్‌లో చనిపోయినవారిని స్వదేశాలకు పంపే గురుతర బాధ్యతను అజీజ్‌ తన భుజాన వేసుకునేవారు. ఆర్థిక సహాయం అందించడం, అలాగే ఇతరత్రా సహాయ సహకారాలు అందించడం ద్వారా ఖతార్‌లోని కేరళ కమ్యూనిటీకి అజీజ్‌ అత్యంత ఆప్తుడిగా మారారు. ఆయనమరణం తమను కలచివేసిందని ఐబిసిఎఫ్‌ ప్రెసిడెంట్‌ పి.ఎన్‌. బాబురాజన్‌ చెప్పారు. అజీజ్‌ మృతి పట్ల ప్రగాడ సానుభూతిని వ్యక్తం చేస్తూ కేరళ ముస్లిం కల్చరల్‌ సెంటర్‌ ఖతార్‌, వచ్చేన నెలలో ఆయన గౌరవార్థం ఓ కార్యక్రమాన్ని ఏర్పాటు చేయనున్నట్లు వెల్లడించింది. అజీజ్‌ మృతదేహాన్ని స్వదేశానికి తరలించేందుకు ఏర్పాట్లు జరుగుతున్నాయి.