ఒమాన్లో వీసా బ్యాన్‌ నిబంధనల సడలింపుపై వలస ఉద్యోగుల్లో ఆశలు పెరుగుతున్నాయి. రెండేళ్ళ వీసా బ్యాన్‌ నిబంధనల్లో సడలింపులు రావొచ్చని సంకేతాలు వెలువడుతుండడమే ఇందుకు కారణం. మానవ వనరుల మంత్రిత్వ శాఖ సలహాదారు సైద్‌ బిన్‌ నాజర్‌ అల్‌ సదీ మాట్లాడుతూ, తమ ఒప్పందాలను క్లియర్‌ చేసుకుని, నిబంధనలకు తగ్గట్టుగా వ్యవహరిస్తే వీసా ఆ్యన్‌పై పునరాలోచించే అవకాశం ఉంది. దీనిపై చర్చలు జరుగుతున్నాయి' అని చెప్పారు. గత సంవత్సరం రాయల్‌ ఒమన్‌ పోలీసులు, 2014 జులై 1 తర్వాత వలస ఉద్యోగులకు వీసాలు మంజూరు చేయడం కుదరదనీ, ఇదివరకు సుల్తానేట్‌లో ఉద్యోగం చేసి, నిబంధనల ప్రకారం రెండేళ్ళు పూర్తిగా ఉద్యోగం చేయనివారికి ఇది వర్తిస్తుందనీ ఆదేశాలు జారీ చేశారు. ఆ తర్వాత ఈ ఏడాది జూన్‌లో జరిగిన చర్చల్లో నిబంధనలు సడలించాలనే ప్రతిపాదన వచ్చింది. దాంతో సమాలోచనలు జరుగుతున్నాయి. ఓ ప్రముఖ నిర్మాణ సంస్థ సలహాదారుల ఆలోచనల్ని స్వాగతించారు. లేబర్‌ మార్కెట్‌పై ఈ నిర్ణయం సానుకూల ప్రభావం చూపవచ్చని ఓ నిర్మాణ సంస్థకు చెందిన అధికారి చెప్పారు. 

--నూనె లెనిన్ కుమార్(ఒమాన్)